For mange år sidan fekk eg eit lite stikkelsbærtre hjå hyttenaboen. Treet vart etter kvart flytta til min eigen hage. Fleire bærtre har eg ikkje her, men det er utruleg kor mykje bær dette eine treet har hatt, sjølv om det i år var mindre bær enn det har vore dei siste åra. I fjor vart det ikkje plukka eit einaste bær, året før laga eg syltetøy. Sidan stikkelsbærsyltetøy ikkje er den største favoritten blant pålegg her i huset, fann eg ut at eg måtte prøve noko nytt i år. Surfa litt rundt og fann oppskrifter på både saft og likør, så då vart det til at eg laga det.
Først likøren der eg blanda bær med 60% vodka. I det eine glaset putta eg oppi ei vaniljestang. Denne skal no stå i 5 veker før sukkeret skal i. Ifølge oppskrifta bør denne likøren stå og godgjera seg i 12-18 mnd, det vil seia at den kanskje kan smakast på til jul 2013 - men ein gong må den lagast, så får eg ta tida til hjelp.
Resten laga eg stikkelsbærsaft av. Fekk henta meg ein saftkokar og fekk 2,2 liter råsaft som eg deretter blanda med 2-4 dl sukker pr liter råsaft. Resultatet vart 3 1/2 flaske saft. Kan ikkje hugse å ha smaka stikkelsbærsaft nokon gong, så det vert spennande - må berre vente til safta vert skikkeleg kald.
